Strugë

Shkruan:Bexhet Asani MALLKIMI I GJYSHES Ishte viti 1978 apo 1979 nuk më kujtohet saktësisht. Në katedrën e Gjuhës dhe Letërsisë shqipe kshte ardhur për specializim prof. Kosta nga Universiteti i Janinës. Një numër i madh njerëzish e dinin se Kosta ishte grek. Dhe kishin të drejtë sepse gjer atëherë ne Universitetin e Prishtinës nuk kishte studiuar asnjë çam apo arvanitas! Grekët dhe çamët filluan të studionin në Universitetin e Prishtinës pas vitit 1986. Ata studionin në gjuhën shqipe dhe në gjuhën serbe. Do të çuditeni pse i përdor të dy emërtimet edhe çam edhe arvanitas..! Po ja, para ca ditësh takova një plak mbi tetëdhjetë vjeçar nga Paramithia dhe krenohej se ishte çam. Po në bisedë e sipër shqiptova një fjali: – Juve arvanitasit…! Plaku u çakërdis, pse unë përdora termin arvanitas. – Ne nuk jemi arvanitas, ne jemi çamë…! Po mirë – i them unë – ç’ bëri çam, ç’ bëri arvanitas një janë.. një gjak janë… – Jo! – pa jo tha plaku dhe mori një pamje hakërruese. – Neve s’ kemi asgjë të përbashkët me ta…! Ishte e kot të vazhdoja më tej muhabetin. E ndërpreva bisedën. Zumë një temë krejtësisht tjetër dhe u qetësua plaku. Mesa kuptova më vonë, plakut më shumë i interesonin pronat e tij në Çamëri sesa çështja çame..! Po ta lëmë plakun në hallet e tij dhe t’ i kthehem qëllimit të temës. Kosta erdhi e iku, neve nuk ia mësuam as emrin e vërtetë as mbiemrin. Profesor Shefqet Pllana një ditë ia nisi të tregonte për Kostën që të gjithë e kishim marrë për grek..! – Kosta është nga Janina. Ai është çam. Lirisht takoni. Ai e flet një çamërishte të shkëlqyer. Do të kënaqeni kur ta dëgjoni. – Si gjithmonë profesor Shefqeti ngrinte moralin te studentët e tij, pa ia bërë tër veshi nga bashkëpunëtorët e shtetit të cilët kishin sy e veshë kudo. Dhe vazhdoi: – E dini pse ka ardhur Kosta ta mësojë gjuhën shqipe? – Jo. U përgjigjëm ne njëzëri. Ai ka ardhur ta mësojë gjuhën shqipe me qëllim që ta çojë në vend amanetin e gjyshes së tij. Kostën gjyshja e vet e ka mallkuar: Nëse ti nipçja im nuk e mëson gjuhën shqipe mbetsh gojëhapur! Shihni se çfarë mallkimi! Dhe i shkëlqente fytyra nga gëzimi profesor Shefqet Pllanës që Kosta e mësonte dhe e përsoste gjuhë tonë hyjnore.

9 Shkurt, 2025 Korespondenti-Switzerland 0

Bloomingdale, më7 shkurt 2018NJU XHERZISHBA

NË DRITËN E HËNËSBexhet Asani “Në dritën e hënës” është një këngë franceze për fëmijë të cilën unë shoqet dhe shokët e mi e kemi mësuar në klasën e pestë (1968) me Islam Baftiarin, arsimtarin e Gjuhës frënge. Për çudi disa vargje nuk i kam harruar sot e kësaj dite! Këtë këngë e gjeta rastësisht në internet duke i lëshuar këngë për fëmijë mbeskës sime. Që nga ajo kohë kanë kaluar 57 vjet. Ajo që mësohet në fëmijëri nuk fshihet më as në pleqëri!

9 Shkurt, 2025 Korespondenti-Switzerland 0

Porosia ime është:Mësoni fëmijët të duan popullin, atdheun, gjuhën, flamurin, zakonet, festat, të afërmit. Dashuria ndaj këtyre do t’ u rrënjoset deri në pleqëri.Në qoftë […]

Ariz Saiti – Muaji Shaban !

7 Shkurt, 2025 Admin 0

Muaji Shaban! Shabani është muaji i tetë i kalendarit islamik. Kuptimi i fjalëpërfjalshëm i fjalës “Shaban” është: të përhapësh dhe të japësh.Gjatë këtij muaji zbresin […]