Ka nisur nga e para gjykimi ndaj 13 zyrtarëve policorë të akuzuar për vepra të rënda kundër sigurisë së përgjithshme, lidhur me zjarrin tragjik në diskotekën “Puls” në Koçan.
Procesi u përsërit pas ndryshimit të përbërjes së trupit gjykues, pasi dy gjyqtarë porotë nuk do të mund të marrin pjesë në vazhdimin e gjykimit.
Të gjithë të akuzuarit sërish deklaruan se nuk e pranojnë fajësinë dhe mbetën në deklaratat e tyre të mëparshme. Prokuroria, ndërkohë, mbetet plotësisht në aktakuzën e dorëzuar.
Në zjarrin e 16 marsit të vitit të kaluar në diskotekën “Puls” humbën jetën 63 persona, ndërsa mbi 200 të tjerë u lënduan.
Sipas aktakuzës, policët që ishin në detyrë nuk e ndërprenë performancën muzikore dhe nuk parandaluan përdorimin e mjeteve piroteknike.