Sot në orën 13:30 në Repartin e Punëve të Brendshme (OVR) në Kavadar është denoncuar se në rrugën eksprese Gradsko-Prilep, pas daljes për në Kavadar, ka ndodhur një aksident komunikacioni midis një automjeti të udhëtarëve “Skoda Octavia” me targa të Prilepit, e drejtuar nga Zh.R. (51) nga Prilepi dhe një automjeti “Volkswagen Golf” po ashtu me targa të Prilepit, e drejtuar nga T.M. (39) nga Prilepi.
Siç konfirmoi policia, në vendin e ngjarjes kanë ndërruar jetë shoferi i automjetit “Skoda” dhe pasagjerja B.B. (42) nga Prilepi, ndërsa vdekjen e ka konstatuar mjeku i ekipit të Ndihmës së Shpejtë Mjekësore nga Kavadari.
Lëndime të rënda trupore ka pësuar shoferi i automjetit “Golf”, të konstatuara në Spitalin e Përgjithshëm të Kavadarit, pas së cilës ai është transferuar në Kompleksin e Klinikave “Nënë Tereza” në Shkup. Këqyrjen e vendit të ngjarjes e ka kryer prokurori publik në bashkëpunim me ekipin hetimor të OVR Kavadar. Qarkullimi rrugor është normalizuar në orën 17:00.