Gjenerata 2010 e Struga Trim Lum, e udhëhequr nga Tanas Kalajxhieski është kualifikuar në gjysmëfinale të Kupës, pas fitores ndaj AP Brera…
Pionerët e rinj të Struga Trim Lum, gjenerata 2010, kanë arritur një sukses të jashtëzakonshëm, duke u kualifikuar në ndeshjet gjysmëfinale të Kupës.
Kjo gjeneratë e udhëhequr nga Tanas Kallajxhieski në çerekfinale mundën AP Brera me rezultatin minimal 1-0, falë golit të shënuar nga Ajet Tairi.
Ishte kjo një ndeshje mjaft e bukur, në të cilën djelmoshat e rinj të Struga Trim Lum luftuan shumë, krijuan, dhe në fund me plotë meritë edhe triumfuan.
Tashmë mbetet të shihet se kush do të jetë kundërshtari i tyre i rradhës në gjysmëfinale, aty ku një vend kanë siguruar edhe Pelisteri, Makedonija GJ.P dhe Vardari.