Në ora 01:03 të datës 1 janar 2025, në repartin e gjinekologjisë të spitalit të Strugës, erdhi në jetë foshnja e parë e vitit të ri. Vajza e sapolindur, me peshë 2.960 kilogramë, gëzon shëndet të plotë, duke sjellë gëzim dhe emocion në këtë fillimvit.
Foshnja vjen nga fshati Llabunishtë, ndërsa stafi mjekësor shprehu kënaqësinë që dita e parë e vitit nisi me një lajm kaq të bukur. Lindjet e shëndetshme janë gjithnjë një ogur i mirë për të ardhmen, dhe ky rast nuk është përjashtim.
Familja dhe mjekët shpresojnë që kjo vogëlushe të jetë simbol i një viti të mbushur me shëndet dhe mbarësi për të gjithë.