Skuadra e Shkëndijës është kualifikuar në gjysmëfinale të Kupës së Maqedonisë së Veriut, pasi në çerekfinale eliminoi Strugën.
Kuqezinjtë nga Tetovë biletën e kualifikimit arritën ta marrin përmes penalltive, pasi ndeshja në minutat e rregullta u mbyll me barazim 2:2, njofton Sportmania. Të parët që shkuan në avantazh në këtë duel, ishin vendasit që realizuan përmes Radeskit, teksa Ibraimi barazoi shifrat.
Memetriza Hamza realizoi një supergol nga gjuajtja e lirë për epërsi 2:1 të Strugës, teksa në sekondat e fundit të minutave shtesë, Fetai arriti ti barazojë shifrat në 2:2 dhe çoi ndeshjen në penallti.
Në gjuajtjen e penalltive, më të mirë dolën të jenë tetovarët, duke realizuar të gjitha penalltitë, teksa struganët gabuan njëherë, duke u eliminuar kështu nga kjo garë. Shkëndija e Tetovës në gjysmëfinale do të përballet me Shkëndijën e Haraçinës.