Korpusi i Gardës Revolucionare të Iranit (IRGC) njoftoi dje se çdo vend arab ose evropian që dëbon ambasadorët izraelitë dhe amerikanë nga territori i tij do t’i jepet kalim i pakufizuar nëpër Ngushticën e Hormuzit duke filluar nga sot, raporton CNN.
Sipas televizionit shtetëror iranian, Garda Revolucionare e Iranit njoftoi se këto vende do të kishin “të drejtë dhe liri të plotë” për të kaluar nëpër këtë rrugë ujore strategjike nëse do të ndërprisnin marrëdhëniet diplomatike me Izraelin dhe Shtetet e Bashkuara.
Pothuajse një e pesta e rezervave të naftës në botë kalon nëpër këtë ngushticë, e cila është rreth 34 kilometra e gjerë, duke e bërë atë një pengesë të rëndësishme dhe me rrezik të lartë për tregjet globale. Lufta SHBA-Izrael me Iranin ka rritur çmimet e naftës për dy arsye kryesore: mbyllja pothuajse e plotë e Ngushticës së Hormuzit dhe ngadalësimi i prodhimit të naftës në Lindjen e Mesme.